Tre muftinj jane prekur nga vovid nderkohe qe Komuniteti Mysliman i Shqipërisë reagon përmes një deklarate për mediat lidhur me situatën e pandemisë në vend por kryesisht brenda strukturave të saj.
Sipas KMSH, situata me pandeminë po bëhet gjithmonë e më serioze, ndërsa raporton se edhe myftinjtë e Tiranës dhe Kavajës janë prekur nga Covid-19 me këtë të fundit që e ka kaluar tashmë dhe me atë të kryeqytetit që po e kalon në kushte shtëpiake.
“Ndodhet në izolim, por në gjendje relativisht të mirë shendetësore Myftiu i Tiranës Lauren Luli!“, shkruan KMSH në njoftimin e saj.
Njoftimi i KMSH:
Situata e pandemisë, siç po shohim edhe nga shtimi i rasteve ditët e fundit, po bëhet serioze sërish!
Apeli ynë i vazhdueshëm për çdo besimtar e qytetar të vendit është kujdesi, plotësimi i sebepeve për t’u ruajtur për aq sa kemi ne në dorë.
Myftiu jonë i Kavajës, Besnik Leçini, fatmirësisht sapo ka kaluar me sukses këtë sprovë!
Gjithashtu, ndodhet në izolim, por në gjendje relativisht të mirë shendetësore Myftiu i Tiranës Lauren Luli!
Myftiu i Zonës së Shkodrës, Muhamed Sytari, është nisur drejt Turqisë për një mjekim më të specializuar.
I drejtohemi Zotit të Madhërishëm, me një nga emrat e tij të bukur, Shëruesi, të bëjë të mundur kalimin sa më të shpejtë të kësaj sëmundje për myftinjtë e prekur, imamët, dhe për çdo qytetar tjetër të prekur nga kjo sëmundje dhe sëmundje të tjera!
O Zot jepu shërim të sëmurëve!
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/