Nje cift burre e grua u vrane ndersa autori qelloi mbi veten duke shenuar nje nga krimet me te renda familjare shqiptare ne Melbourne te Australise. Ngjarja ndodhi paraditen e 31 dhjetorit, pak orë para ndërrimit të viteve, shkruajne mediat australiane.
Osman Shaptafaj, 55 vjeç, qëlloi me çifte të bijën 25-vjeçare Lindita Musai dhe bashkëshortin e saj Veton Musai 29 vjeç, të cilët sapo kishin festuar përvjetorin e parë të martesës.
Gjithçka ndodhi rreth orës 10:30 (me orën lokale) të së martës para shtëpisë së çiftit. 25 vjeçarja gjeti vdekjen në vend nga të shtënat ndërsa bashkëshorti u dërgua në gjendje kritike në spital, ku dhe ndërroi jetë një ditë më pas.
Dëshmitarë thanë se e kishin parë autorin t’i vinte armën në kraharor dhëndrit të tij duke e qëlluar. Më pas ai e kishte kthyer armën nga vetja.
55-vjeçari, i cili jetonte në Altona North, u dërgua në spital si pasojë e plagëve, ku dhe ndodhet i ruajtur nga oficerët e policisë. Situata e tij paraqitet tejet kritike.
Miqtë dhe familja e çiftit ishin të martën shpërthyen në lot të martën në rrugën periferike teksa ngushëllonin njëri-tjetrin. Kushëriri i Z. Musai e ndau pikëllimin e tij në Facebook pasi 29-vjeçari vdiq në spital.
“Nuk kam fjalë për të përshkruar atë çka ndjej. Allahu e di më së miri pse gjërat ndodhin. E vetmja gjë që na mban të fortë është besimi në Zot. Se si babai mund ta marrë jetën e vajzës së tij, është përtej logjikës. Por djalli me të vërtetë është midis nesh. Allahu i bashkoftë të dy shpirtrat e mrekullueshëm përsëri në Xhenet.”
Çifti i ri kishin një vit të martuar, por bashkë ishin prej 5 vitesh. Miqtë e përshkruajnë dasmën e tyre si një nga ‘më të mirat.
“Një çift kaq i bukur, një familje kaq e bukur … Një nga dasmat më të mira në të cilat kam qenë në Australi,’ shkroi një mik i familjes në Facebook.
Mediat vendase shkruajnë gjithashtu se Lindita punonte në agjencinë e pronave të patundshme Colliers International, ndërsa Vetoni punonte në National Australia Bank.
Mediat australiane raportojnë se e gjithë skena e krimit ka tronditur familjarët e çiftit, që mbërritën në vendngjarje. Në media nuk ka ende të dhëna për vendlindjen e viktimave, apo sa kohë kishin të vendosur në Australi.
Motivet e kësaj ngjarjeje tragjike momentalisht mbeten mister. Policia e Victorias thotë se po heton një mosmarrëveshje familjare si motivin e sulmit të ftohtë përpara Vitit të Ri.
Çifti raportohet se kishin mysafirë të tjerë në shtëpinë e tyre kur ndodhi incidenti.
Ata u gjetën në hyrjen e përparme të shtëpisë me plagë të shkaktuar nga arma e zjarrit në trup.
Policia gjeti armën e krimit në fund të rrugës, në tokë publike.
në tokë publike.
në tokë publike.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
