Eduard Alushi është tregtari të cilit i grabitën paratë nën kërcënimin e armeve në zonën e Tregut Ushqimor në Tiranë.
Pronari i dyqanit pohon se ai ishte i pari që kishte hapur biznesin në treg.
Për BW ai thotë se autorët e goditën në kokë dhe se ishin 3 persona.
“Kisha 5 minuta që kisha hapur dyqanin. Kur më thanë ‘lekët’, u thashë se ‘nuk kam’. Më morën 200 mijë lekë që kisha në sirtar për të kthyer kusur dhe 2 kuti me steka cigaresh, gjithsej 80. Më pas u larguan sërish në këmbë në brendësi të tregut. Pasi ikën ata kam shtypur alarmin dhe policia erdhi për 5 minuta”, tha Alushi.
Policia në njoftimin zyrtar bëri me dije se po punon për identifikimin dhe kapjen e autorëve të grabitjes.
Njoftimi i policisë
Tiranë
Informacion Paraprak
Në zonën e “Tregut ushqimor”, persona të paidentifikuar nën kërcënimin e një sendi në dukje si armë, i kanë vjedhur pronarit të një dyqani 30 steka paketash.
Po punohet për identifikimin dhe kapjen e autorëve.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
