Tre makina janë përfshirë në një aksident rrugor në Pogradec, ku për pasojë janë plagosur tre persona, mes tyre edhe një i mitur.
Policia thotë se ngjarja ka ndodhur në aksin rrugor Pogradec -Qafë Thanë në afërsi të fshatit Pojskë.
Në njoftimin e policisë thuhet se, “Janë përfshirë në një aksident rrugor mjetet tip Benz me targa AA 891 ST, mjeti tip Volkswagen me targa TR 1101 N me drejtues shtetasin A. Ç, si edhe një mjet i parkuar me targa YZO 9396. Për pasojë janë dëmtuar dy drejtuesit e mjeteve, si edhe një shtetas i mitur i cili udhëtonte në mjetin tip Benz me targa AA 891 ST”.
Të plagosurit janë transportuar në Spitalin e Pogradecit, për mjekim, ku ndodhen jashtë rrezikut për jetën.Grupi hetimor në vendngjarje po punon për zbardhjen e rrethanave të aksidentit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
