Në të gjithë qarkun e Dibrës është pezulluar procesi mësimor për shkak të rrugëve të pakalueshme. Procesi mësimor është ndërprerë edhe në qytet pasi trashësia e borës ka arritur 40 cm.
Sipas informacioneve më të fundit rrugët nacionale në këtë qark janë të hapura, por te kalueshme vetëm me zinxhirë. Në rrugën Peshkopi- Tiranë ka probleme tek Pishat e Bulqizës dhe në Qafën e Buallit ku fryn erë e fortë. Kurse në rrugën Peshkopi – Kukës situata është kritike në kalanë e Dodës, pasi era ka grumbulluar borën sasi të mëdha. Autoritetet vendore njoftojnë se të gjitha fshatrat janë të izoluara.
Ndërkohë, numri i ulët i studentëve në auditor detyroi Rektoratin e Universitetit të Shkodrës “Luigj Gurakuqi “të pezullojë procesin mësimor për dy ditë. Në një njoftim zyrtare thuhet se pas një mbledhje urgjente, u vendos të shtyhet procesi mësimor për dy ditë, konkretisht për datat 27 dhe 28 shkurt 2018. Për këto ditë mësimi do të zëvendësohet gjatë ditëve të shtuna, me datë 3 dhe 10 mars 2018. Më tej thuhet se njoftohen studentët e masterit të shkencave dhe masterit profesional se provimet do të zhvillohen sipas orarit të shpallur në fakultete. Ndërkohë në Shkodër vazhdon të bjerë borë.
Njoftimi i Rektoratit të Universitetit të Shkodrës
Në një mbledhje urgjente të zhvilluar me datë 27.02.2018, ora 10 00 , Rektorati i Universitetit të Shkodrës “Luigj Gurakuqi”, duke u nisur nga prania shumë e ulët e studentëve në auditore, vendosi të shtyjë procesin mësimor për dy ditë, konkretisht për datat 27 dhe 28 shkurt 2018.
Për këto ditë mësimi do të zëvendësohet gjatë ditëve të shtuna, me datë 3 dhe 10 mars 2018.
Njoftohen studentët e masterit të shkencave dhe masterit profesional se provimet do të zhvillohen sipas orarit të shpallur në fakultete.
Rektorati i USH-së
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
