Një 46-vjeçare është arrestuar dje nga policia e Tiranës, pasi ka goditur me grusht drejtoreshën e Liceut Artistik në Tiranë, me inicialet V.G..
Policia ka bërë të ditur se nëna e një prej nxënësve të kësaj shkolle është arrestuar edhe pse ka bërë sherr dhe ka kundërshtuar punonjësit e policisë.
Burime nga uniformat blu thanë se në pranga u vu Ardiana H, e cila ka goditur drejtoreshën e gjimnazit, V.G.
Njoftimi i policisë
Më datë 30.05.2017, u arrestua shtetësia Ardiana H., 46 vjeçe, banuese në Tiranë dhe u referuan materialet në Prokurorinë e Rrethit Gjyqësor Tiranë, për shtetasit H.H., 18 vjeçe dhe G.H., 16 vjeç, banues në Tiranë, sepse tek ambientet e brendshme të një shkolle, shtetësia Ardiana H. (nëna e shtetasit G.H., nxënës i kësaj shkolle), ka goditur drejtoreshën e kësaj shkolle, shtetasen V. G., ndërsa shtetësia H.H., ka goditur me grusht derën e zyrës së drejtoreshës, duke e dëmtuar.
Gjithashtu shtetasit e sipërpërmendur, kanë kundërshtuar punonjësit e policisë gjatë veprimeve të tyre proceduriale. Parashikuar nga Nenet 236/2, 237 dhe 150 të Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
