Tre elektricistë të bllokuar nga bora në fshatin Borje të Kukësit gjatë paradites së kësaj të shtune, janë shpëtuar dhe ndodhen jashtë rrezikut për jetë.
Rreth orës 11:00 të ditës së sotme, 3 elektricistë të Kukesit u nisën për në fshatin Borje, për të riparuar fidrin 8, i cili shtrihet nga HEC Orgjost dhe deri në fshatin në fjalë, 37 km larg Kukësit.
Pasi kanë ecur për orë të tëra, në trashësinë e borës prej 1 m e gjysmë, elektricistët janë bllokuar nga i ftohti, duke mos lëvizur nga vendi.
Nën kushte të ashpra atmosferike ata kanë lëshuar sinjalin SOS, ndërsa po mbushnin rreth dy orë të bllokuar, ndërsa gjendja shëndetësore po rëndohej.
U desh më në fund ndërhyrja e banorëve të fshatit Borje dhe shtabit të emergjencave, që bën të mundur nxjerrjen e tyre nga dëbora dhe shpëtimin e jetës.
Aktualisht janë rehabilituar falë shërbimit mjekësor dhe janë jashtë rrezikut për jetën!
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
