FOTO/ Atria Studio fiton konkursin e arkitekturës në Shqipëri

Ndaje

Me 11 shkuet në Hilton Garden Inn u zhvillua në Tiranë, edicioni i tretë i forumit ndërkombëtar SHARE-ARCHITECTS (forum mbi arkitekturën dhe inxhinierinë) nderkohe qe fituese e konkursit per vepra te arkitektures u shpall Atria Studio me projektin “Amber Hotel”.

Share Tirana 2020 përbehej nga një panel folësish nga 9 vende të ndryshme me një program interaktiv konferencash, debate, ekspozita, etj. Ajo që binte në sy ishte se për herë të parëparaqitej në Shqiperi edhe edicioni i “Share Future Projects Awards”.

Gjatë 8 orëve aktiviteti priti një numër të madh profesionistësh në fushën e arkitekturës . Në këtë aktivitet u mbajtën fjalime përshëndetëse, leksione si dhe u ndanë njohuri të shumta tëfushës nga arkitektë kombëtarë dhe ndërkombëtarë të rrjetit.

Njëkohësisht u zhvillua edhe konkursi “Share Future Project Award “ në të cilin pasi u prezantuan projekte tëparapërzgjedhura nga studio arkitekture vendase dhe të huaja u vlerësuan studio fituese në 2 kategori:

Rezidenciale, zyrat dhe hapësirat e punes.

-Hotel – SPA – Restorante

Juria për kategorinë hoteli, përbëhej nga arkitektët e mirënjohur Frédéric Druot, Davide Macullo, Victor Grosu.

Fitues në kategorinë e hotelerisë u shpall Atria Studio me projektin “Amber Hotel”.

“Atria Studio” është një kompani e themeluar në vitin 2017 nga Ark.Enola Martopullo (Muhametaj). Në stafin e kësaj studio bëjnë pjesë një grup arkitektësh dhe inxhinierësh, të cilët i karakterizon talenti, motivimi dhe përkushtimi për arritjen e objektivave të larta. Fushat e veprimtarisë së studios janë: projektimi arkitektonik, planifikimi urban, projektimi i interierit dhe peizazhit, projektimi i strukturave, i sistemeve mekanike, elektrike, si edhe zhvillimi i studimeve të ndryshme mjedisore.