Moderatorja Jonida Shehu në një intervistë ka folur më shumë rreth karrierës së saj në moderim por dhe marrëdhënieve dhe raporteve që ajo ka patur me konkurrentët e saj.
Momentalisht, moderatorja drejton emisionin “Soiree” i cili transmetohet të mërkurave në mbrëmje, por dy vite më parë ajo ishte moderatore e emisionit të pasdites, largimi nga i së cilës bëri shumë bujë.
Jonida ishte e ftuar në “Trokit” në INTV ku u pyet nëse e shihte si konkurrente Rudina Magjistarin atë kohë kur drejtonte emisionin e pasdites.
“Unë kur kam bërë pasditen nuk kam menduar që po bëj një emision për gra. Secila bën punën e vetë, secila është nën presionin e raporteve të audiencës dhe atij filtrit profesional. Prandaj nuk besoj se ndonjëra nga prezantueset apo moderatoret apo autoret e pasdites ka për konkurrencë kolegen. Nuk punon duke pasur parasysh çdo ditë Anilën, Rudinën, Jonidën, Bietën”, u shpreh Jonida.
E pyetur se çfarë pyetje do i bënte Rudinës, Jonida u përgjigj: “Do e pyesja si e ke gocën?”
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
