Pagesat për një sërë shërbimesh nuk do të jenë më një problem për qytetarët, të cilët duhet të paraqiten fizikisht ne sportele për të kryer veprimin.
Banka e Shqipërisë ka ndërmarrë një projekt për dixhitalizimin e sistemit të pagesave, me synim lehtësimin e procedurave.
“Bazuar në studimet dhe analizat e kryera nga Banka e Shqipërisë me mbështetjen e Bankës Botërore, evidentohet qartazi se promovimi i dixhitalizimit dhe inovacionit në tregun e pagesave ndikon ndjeshëm në uljen e kostove të mbartura nga këto instrumente, duke krijuar shërbime lehtësisht të aksesueshme dhe të përballueshme nga të gjithë. Banka e Shqipërisë po hulumton mundësinë e zhvillimeve inovative në sistemet e operuara nga ne, të tilla si instant payment, e cila, bazuar dhe në eksperiencat ndërkombëtare vlerësohet se sjell një reformim në tregun e pagesave nga pikëpamja e dixhitalizimit-tha guvernatori Genti Sejko.”
Ky projekt vjen edhe në frymën e reformës së ndërmarrë nga qeveria atë të derregullimit, ku fokusi kryesor është reduktimi i burokracive dhe thjeshtimi i procedurave.
“Në total janë 240 institucione shtetërore të cilat ofrojnë 570 shërbime elektronike.”
Por dixhitalizimi i sistemit të pagesave është një projekt sfidues, për aq kohë sa edukimi financiar i qytetarëve mbetet në nivele të ulëta.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
