Partia Demokratike akuzon mazhorancën se po kërkon të kapë drejtësinë duke sjellë si shembuj tre çështje kryesore të bujshme që janë ende nën hetim. Në mbledhjen e sotme të grupit parlamentar të PD-së, është kërkuar që institucioni i Prokurorit të Përgjithshëm të kthehet në ligjshmëri. “Prokurori i Përgjithshëm i përkohshëm nuk ka kompetenca për shkarkime dhe transferime. Mazhoranca po kap drejtësinë. Iu kthye pasaporta Tahirit, Orest Sota u lirua nga burgu, po mbyllet çështja Xibraka”, mësohet se është thënë në mbledhjen e grupit të PD-së.
Gjithashtu deputetët demokratë kanë diskutuar për seancën parlamentare të pasdites së sotme. PD duket se do të kërkojë gjatë seancës së sotme edhe largimin e Gramoz Ruçit nga drejtimi i Kuvendit. Nga deputetët është firmosur një kërkesë për kthimin e Kuvendit në ligjshmëri. “Është shkelur rregullorja, janë falsifikuar votat. Gramoz Ruçi të largohet nga drejtimi i kuvendit, është dhunuar e drejta e opozitës për të folur”, kanë deklaruar deputetët e PD.
Në këtë mbledhja pritet të formësohet edhe strategjia e përballjes së opozitës në seancën e parë të vitit 2018 pas deklarimeve të saj së do të mbajë një proteste të madhe kundër qeverisë me 27 Janar.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
