Një person që mbante një flamur islamik i ka prerë kokën një personi dhe ka plagosur disa të tjerë në një fabrikë gazi në lindje të Francës rreth orës 10.00 te ditës së sotme, raportojnë burimet ligjore të AFP.
Sulmuesi i dyshuar hyri në fabrikë dhe vendosi disa eksplozivë të vegjël, sipas AFP.
Shpërthimet besohet të kenë ndodhur nga përdorimi i bombolave të gazit.
Të paktën një person është arrestuar (i cili ka pranuar se është anëtar i ISIS) , edhe pse Sky Neës raporton se sulmi është bere dy persona, të cilët të dy mbanin flamur islamik. Sky Neës thotë se personi i arrestuar është rreth te 30-ave dhe është i njohur nga policia e anti-terrorit.
Mediat franceze raportojnë se sulmuesit janë anëtarë të Shtetit Islamik.
Ka raporte qe fabrika i përket firmës Air Products. Mediat franceze thonë se sulmuesi u fut me makinën e tij ne fabrike. Air Products është një kompani amerikane, me rreth 21 mije te punësuar dhe merret me shitjen e gazeve industriale
Trupi pa koke u gjet pranë fabrikës. Sipas nje gazete lokale franceze, koka e personit te vrare ishte e varur ne portën e fabrikës dhe mbi te kishte shkrime arabe , por kjo ende mbetet e pakonfirmuar.
Presidenti i Francës, Francois Hollande ndodhet ne Bruksel për një mbledhje te samitit Europian, por mbledhja ka filluar pa te. Ai do te kthehet nga Brukseli për te menaxhuar krizën
Sulmi erdhi 6 muaj pas tragjedisë së Charlie Hebdo ku mbetën 17 persona të vrarë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
