Grekët janë duke votuar këtë të dielë nëse do të pranojnë masat shtrënguese të huadhënësve ndërkombëtarë në këmbim të një programi të ri ndihme, në referendumin e shumëdiskutuar, që pritet të përcaktojë nëse Greqia do të largohet nga Eurozona apo jo, pas më shumë se 7 vite vuajtjesh ekonomike.
Grekët janë të ndarë nëse do të pranojnë ofertën e BE-së, FMN-së dhe BQE-së, të cilën kryeministri Alexis Tsipras e quan “poshtëruese”, ndaj dhe ka ftuar popullin e tij ta refuzojë atë. Nga ana tjetër investitorët dhe ligjbërësit europianë thonë se një refuzim i tillë do t’i tregonte Greqisë daljen nga zona e monedhës së përbashkët, duke destabilizuar më tej ekonominë globale dhe tregjet financiare.
Qeveria i ka bërë thirrje votuesve që të votojnë “jo” ne këtë referendum.
Janë 9.8 milionë qytetarë të Greqisë që do ti drejtohen kutive të votimit.
Qendrat e votimit u hapën në 07:00 sipas kohës lokale. Kutitë e votimit do të mbyllen në 18:00 të pasdites, ndërsa projeksionet e para të votave pritet të dalin vetëm 1 orë më pas. 4 sondazhe të publikuara të premten nxorrën votën ‘Po’ në avantazh por shumë të ngushtë kundrejt ‘Jo’-së. Të gjitha rezultatet ishin brenda kufirit të marzhit të gabimit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
