Ka nisur në orët e paradites së sotme aksioni i paralajmëruar nga Bashkia për pastrimin vullnetar të kryeqytetit. Në këtë aksion, i është bashkuar vetë kryetari i Bashkisë, Erjon Veliaj, i cili u bëri thirrje qytetarëve të marrin pjesë në këtë aksion masiv të pastrimit për ta bërë Tiranën më të pastër nga çfarë e gjetën.
“U bëj thirrje të gjithë qytetarëve që të dalin. Na duhet vetëm një orë kohë e gjithësecilit prej jush për të patur një qytet më të pastër. E nisëm nga Farka dhe unë do të jem edhe në disa njësi të tjera gjatë ditës. Tirana do të ngryset më e patër seç u gdhi, por kjo nuk është e mjaftueshme. Ndaj Këshilli Bashkiak vendosi rritjen e gjobave për ndotësit”, tha Veliaj.
Aksioni nisi nga komuna e Farkës, ndërsa në zonat më të ndotura në aksion do të përfshihet edhe ushtria me mjete më të rënda.
Pjesë e pastrimit do të jenë edhe 24 administratorët e bashkisë si edhe shoqëria civile.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
