Me ndryshimet në ligj që ka propozuar Autoriteti i Mbikëqyrjes Financiare të cilat bazohen në sistemin “Bonus-Malus”, krijohet një klasifikim që ndan të gjithë shoferët në 18 kategori, ku secila prej tyre do të ketë një koefiçentët me të cilën do të llogaritet sigurimi i makinës, shkruan sot shqiptarja.com.
Të gjithë pronarëve të mjeteve do t’u llogaritet pagesa për sigurimin me koefiçentin 1, pra klasa e 13-t. Pra të gjithë shoferët do të paguajnë 16 mijë lekë të reja duke filluar nga miratimi i ndryshimeve në ligj. Por ata shoferë të cilët shkaktojnë aksident do të kenë një rritje të konsiderueshme të çmimit. Sistemi Bonus-Malus parashikon që nëse shkaktoni aksident do të lëvizni nga klasa e 13-t në klasën e 15-t, pra dy shkallë më lartë. Kjo do të thotë se çmimi 16 mijë lekë do të shumëzohet me koefiçentin 1.3 dhe çmimi që do të paguani do të jetë 20 mijë e 800 lekë (16.000*1.3). E njëjta gjë ndodh edhe nëse shkaktoni 2 aksidente brenda një viti, pra drejtuesi i mjetit, çmimi i siguracionit do t’i llogaritet me koefiçentin 1.75. Kjo do të thotë se nëse shkaktoni dy aksidente atëherë do të paguani 28 mijë lekë siguracion.
Por ndryshimet në ligj favorizojnë edhe ata që nuk shkaktojnë aksidente. Nëse një shofer nuk bën asnjë aksident përgjatë një vitit, atëherë çmimi i siguracionit do të ulet një klasë. Pra nëse për një vit nuk shkaktoni aksident atëherë koefiçenti ulet nga 1 në 0.94, që do të thotë se çmimi do të ulet me 1 mijë lekë (16.000*0.94=15 mijë lekë). Për çdo vit që nuk do të bëni aksident do të ulet dhe çmimi i siguracionit. Nëse për 5 vjet nuk shkaktoni asnjë aksident atëherë do të paguani 11 mijë e 800 lekë (16.000*0.74=11.800).
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
