Policia e Tiranës ka filluar procedim penal në gjendje të lirë për këngëtaren 26 vjeçare Ronela Hajati. Burime të policisë lokale sqaruan se pas disa publikimeve të bëra në rrjetet sociale të një fotoje ku paraqiteshin një grup të rinj te veshur me veshje myslimane dhe kundrejt mos zbatimit të rregullave të qarkullimit rrugor në automjetet në të cilat ata udhëtonin, policia bëri verifikimin dhe evidentimin e tyre.
Sipas policisë, mësohet se bëhej fjalë për xhirime videoklipi nga ana e Ronela Hajatit, në rrugën nga Kopshti Zoologjik drejt TEG-ut, e cila së bashku me grupin e saj të xhirimit me rreth 20 persona, kanë krijuar probleme në qarkullimin e lirë të automjeteve në këtë segment rrugor, pasi e kanë bllokuar me 3 automjete të ndryshme, si dhe kanë shqetësuar kalimtarët për shkak të zhurmës që kanë krijuar në rrugë.
Nenet që akuzojnë Ronela Hajatin
Kodi Penal
Neni 274
Prishja e qetësisë publike
Hedhja e gurëve apo sendeve të tjera në banesën e shtetasit, krijimi i zhurmave shqetësuese si, me anë të shkrepjes së armëve apo plasjeve të ndryshme, të përdorimit jashtë rregullave të sirenave të automjeteve, apo çdo lloj tjetër sjelljeje të papëlqyeshme, në rrugë, sheshe e vende publike, që cenojnë dukshëm qetësinë e moralin apo tregon mospërfillje të hapët për mjedisin, përbëjnë kundërvajtje penale dhe dënohen me gjobë ose me burgim gjer në dy vjet.
Neni 293
Pengimi i qarkullimit të mjeteve të transportit
Vënia e pengesave dhe ndalimi me çdo mjet e mënyrë i qarkullimit të mjeteve të transportit
automobilistik, hekurudhor, ujor e ajror, dënohet me gjobë ose me burgim gjer në tre vjet.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
