Çfarë ka ndodhur
Mediat kanë raportuar rreth konferencës së shtypit dhënë nga kreu I PD-së, Sali Berisha më 25 mars në selinë e PD. Gjatë deklaratës së tij ai tha ndër të tjera se do të rishikonte komunikimin njerëzor në administratë duke kritikuar sistemin elektronik të e-Albania që sipas tij ishte sistemi I gjobave.
Ai deklaroi:
“E-Albania, kurthi më i keq i kohërave i Edi Ramës. E kam quajtur telefoni i prishur.
Jo, në jug zbulova një gjë tjetër. Jo, ai ishte kurthi i gjobave.
Çfarë ndodhte? Aplikonte banori nga jugu për të marrë dokumentet e tokës në e-Albania. Dy muaj heshtje mortore, pas dy muajsh, pasi bëhej një lojë e tmerrshme psikologjike me pronarin e tokës, i vinte sekseri.
I thoshte ke aplikuar aty, atëherë për një dynym tokë duhet të japësh 5 mijë euro. Për dynymin tjetër 5 mijë euro e më shumë.
Dhe njëlloj si Lubi Balluku që i ndan rrugët me lote, e-Albania ua ndante me dynym dokumentet e pronësisë së tokës, pronarëve të tokave në jug.
Atje, mungesa e të gjitha zyrave, shkatërrimi i qyteteve, heqja e administratës.
Por premtimet e mia ishin të qarta se kjo merr fund 100 ditët e para. Në çdo rreth do kthehen të gjitha zyrat siç kanë qenë në vitin 2013. Të gjitha shërbimet pa përjashtim.
100 kilometra bën ai nga Himara për të shkuar në Vlorë. Jo. Bashkia do i ketë aty shërbimet”.
Pasqyrimi i deklaratës së tij nga disa media keqësoi deklaratën në lidhje me e-albania duke raportuar deklarime të pavërteta, edhe pse brenda kontekstit të deklaratës së Berishës.
Top channel raportoi se Berisha ka deklaruar se në 100 dittë e para të tij do të shkrijë e-Albania.
“Sali Berisha ka deklaruar sot në një konferencë me gazetarët, se nëse vjen në pushtet, në 100 ditët e para të qeverisjes së tij do të ‘shkrijë’ e-albania dhe do rikthejë të gjitha zyrat si në 2013.
Ai tha se çdo zyrë do të kthehet nëpër bashki siç kanë qenë më parë.
“Mungesa e të gjitha zyrave, shkatërrimi i qyteteve, heqja e administratave, por premtimet e mia ishin të qarta, kjo merr fund 100 ditët e para, në çdo rreth do kthehen të gjitha zyrtar siç kanë qenë në 2013, të gjitha shërbimet”, tha Berisha.
Po të njëtin raportim ka bërë edhe javanews.al në të njëjtën ditë për të njëtën deklaratë të Berishës.
Që në titull shkruhet: “Brenda 100 ditëve do shkrihet e-Albania”, tjetër premtim ‘bombë’ nga Berisha: Do t’i kthejmë zyrat si në kohën time.
Teksti i lajmit të javanews.al është në të njëjtën linjë, pothuajse i njëjtë me atë të transemtuar nga top-channel.
Konteksti
Gjatë fushatës elektorale dhe takimeve që ka pasur në qytete të ndryshme kreu i PD, Sali Berisha ka dëgjuar ankesa në lidhje me shërbimet e ofruara nga e-albania. Ai ka deklaruar se shërbimet e komunikimit njerëzor do të rikthehen me qeverisjen e tij por ndërkohë nuk ka deklaruar se kjo do të thotë mbyllje e shërbimeve të e-albania, një platformë të dhënash masive për qytetarët dhe bizneset e vendit, mjaft produktive në shumicën e shërbimeve të saj.
Fluksi i lajmit
Lajmi është publikuar edhe në rrjete sociale dhe platformën youtube të topchannel. Po ashtu javaneës e ka publikuar atë në rrjetet sociale
A është lajm
Nuk është lajm. Kreu i PD, Berisha nuk e ka deklaruar mbylljen e e-albania dhe as ka lënë të kuptohet se do ta mbyllë. Por deklarimi i tij se ‘Në çdo rreth do kthehen të gjitha zyrat siç kanë qenë në vitin 2013’ ka krijuar shteg për interpretim në kontekstin negativ nga gazetarët. Një fjali më pas Berisha deklarohet rreth distancave të mëdha të marrjes së shërbimeve në qendrat e qarqeve nga bashki, qytete apo fshatra. ‘Të gjitha shërbimet pa përjashtim.
100 kilometra bën ai nga Himara për të shkuar në Vlorë. Jo. Bashkia do i ketë aty shërbimet’, theksohet në deklaratën e Berishës në vijim të fjalisë për e albania..
Shqyrtimi i mesiperm është zhvilluar me mbështetjen e projektit rajonal “SMART Balkans – Shoqëria Civile për Vlera të Përbashkët në Ballkanin Perëndimor” të zbatuar nga Centar za promociju civilnog društva (CPCD) në bashkëpunim me Instituti për Demokraci dhe Ndërmjetësim (IDM),dhe Qendra për Kërkim dhe Politikëbërje (CRPM) dhe i mbështetur financiarisht nga Ministria e Punëve të Jashtme të Norvegjisë (NMFA). Përmbajtja e shqyrtimit te mesiperm është përgjegjësi e vetme e zbatuesve të projektit dhe nuk pasqyron domosdoshmërisht pikëpamjet e Ministrisë së Punëve të Jashtme Norvegjeze (NMFA). Qendra per Transparence dhe Informim te Lire (qTIL)
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
