Katër futbollistët shqiptarë, Xhaka, Shaqiri, Behrami dhe Xhemaili ishin në fushë, por asnjë prej tyre nuk mundi të bëjë diferencën ndaj nordikëve. Kjo solli që Suedia të jetë çerekfinalistja e shtatë e Kupës së Botës, pasi ka fituar minimalisht 1-0 kundër Zvicrës së Shaqirit me shokë.
Pjesa e parë u mbyll në barazim 0-0 në “St Petersburg”, ku u luajt një përballje mjaft interesante me dy skuadrat që menduan të mbroheshin, duke studiuar në një farë mënyre kundërshtarin. Rastin më të mirë për të shënuar e kishte Berg, por goditja e tij përfundoi jashtë. Pas minuta më pas Xhaka tentoi të surprizoi, me sferën e goditur prej tij që shkoi shumë pranë traversës.
Goli ka ardhur në minutën e 66-të, teksa Forsberg ka goditur nga larg dhe Akanji ka devijuar në portë, duke nxjerrë blof portierin e tij Somer.
Tashmë Suedia do të presë rezultatin e çiftit Kolumbi-Angli për të mësuar kundërshtarin e radhës në Botëror.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
