Një person është ndaluar për “Pastrim të produkteve të veprës penale”, ndërsa dy të tjera janë shpallur në kërkim, dhe për 2 të tjerë është dhënë masa e sigurisë “Detyrim paraqitje”.
Sipas burimeve të Policisë vendore të Fierit, mësohet se specialistët për Hetimin e Krimit Ekonomik e Financiar në këtë drejtori vendore, në bashkëpunim me Prokurorinë Fier, pas një hetimi 2-vjeçar, bënë të mundur finalizimin e operacionit policor të koduar “Pastrimi”.
Si rezultat i këtij operacioni, u ndalua…
- Xhevair Troka, 52 vjeç, banues në Fier.
Ndalimi i tij u bë pasi Gjykata e Rrethit Gjyqësor Fier me vendimin e datës 01. 06. 2018, ka caktuar masën e sigurisë “Arrest në burg” për veprën penale “Pastrimi i produkteve të veprës penale apo veprimtarisë kriminale”, njoftoi Policia.
Gjithashtu u bë shpallja në kërkim dhe po punohet për kapjen e…
- L. Ç, 50 vjeç, banues në Patos.
- Sh. Ç, 44 vjeç, banues në Durrës.
Për këta shtetas, Gjykata e Shkallës së Parë Fier me Vendimin e datës 01.06.2018 ka caktuar masë sigurie “Arrest në burg” për veprën penale “Pastrimi i produkteve të veprës penale apo veprimtarisë kriminale”.
Po për këtë vepër penale, Gjykata e Shkallës së Parë Fier ka vendosur masën e sigurisë “Detyrim paraqitje” për…
- A. Ç., 75 vjeç, banues në Patos.
- J. Ç., 26 vjeçe, banuese në Patos.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
