Kisha ortodokse në Elbasan ka reaguar sot ndaj publikimit të librit “Djaj në Veladon” me autor Sejdi Kondin publikuar nga stenda “I Love Camëria”.
“Qendra e Bashkëpunimit Ndër-Fetar Elbasan shpreh keqardhjen e saj për botimin e librit “Djaj në veladon” dhe reklamimin e tij nga shoqata “Çamëria” në panairin e librit gjatë këtyre ditëve në Tiranë. Përpjekja e autorit, ose e porositësve të këtij libri, për të ironizuar një shenjtor të besimit ortodoks si Shën Kozmain dhe kreun e Kishës Orthodhokse Autoqefale të Shqipërisë, Imzot Anastasin, janë tërësisht të dënueshme dhe të papranueshme nga ana e jonë si drejtues dhe përfaqësues të fesë në Shqipëri, por edhe e besimtarëve në përgjithësi”, thuhet ndër të tjera në këtë deklaratë.
Në kopertinën e librit është stampuar ikonografia e Shën Kozmait dhe Kryepeshkopit të Kishës Orthodhokse, Anastas Janullatos ndërsa është shkruar edhe titulli i librit “Djaj në Veladon”.
Libri në kopertinën e jashtme nuk përmban ndonjë shënim mbi shtëpinë botuese, por botimi prezantohej dhe shitej për publikun në stendën e “I Love Çamëria”, ku listoheshin kryesisht tituj librash mbi Çamërinë.
Publikimi i këtij libri ka ngjallur vëmëndje edhe në median greke. Ata e kanë pyetur Krypeshkopin për këtë fakt.
“Forca ime është e madhe. Sulmi ka kaluar çdo kufij të arrogancës dhe provokimit, por nuk i ka kaluar kufijtë e mi të durimit dhe dashurisë. Me të tilla akte bëhen përpjekje të minohet harmonia fetare. Ne po luftojmë për bashkëjetesën harmonike”, është shprehur kreu i Kishës Ortodokse të Shqipërisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
