Pas një kallëzimi të bërë në Drejtorinë Vendore të Policisë Vlorë prej shtetases E. N., pasi bashkëshorti i saj e ka dhunuar psikologjikisht si edhe fizikisht për motive të dobëta, shërbimet policore kanë shkuar dje pranë banesës së tyre me qëllim ndalimin e shtetasit Bujar Nushaj.
Gjatë kontrollit që strukturat e policisë kanë ushtruar në dy banesat e tij, përkatësisht në banesën e ndodhur në fshatin Babicë kanë konstatuar brenda murit rrethues të banesës një sasi lënde narkotike Cannabis Sativa, me një peshë totale prej 12 kg e 500 gramë
Po ashtu në banesën tjetër, të po këtij shtetasi, në fshatin Penkovë, policia ka konstatuar si edhe sekuestruar një tjetër sasi lëndë narkotike prej 13 kg e 500 gramë.
Në përfundim të hetimeve policia ka bërë shpalljen në kërkim të Bujar Nushaj, 53 vjeç, banues në Babicë,Vlorë, pasi ai ishte larguar në momentin e mbërritjes së Policisë.
Materialet iu referuan Prokurorisë në ngarkim të Bujar Nushaj, 53 vjeç për veprat penale “Dhuna në familje”, dhe ”Prodhim shitja e narkotikëve”, të parashikuara nga nenet 130/a dhe 283/1 të Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
