Shkrimtari Lazër Stani ka ironizuar sot ata që kërkojnë largimin e Lulzim Bashës nga PD. Përmes një postimi në Fb ai thotë se nuk është e sigurtë që ata të kenë votuar për këtë parti.
Stani ka qenë kryeredaktor i gazetës Rilindja Demokratike dhe deputet i PD.
Postimi:
Një pyetje për të gjithë ata që prej ditës së djeshme kanë venë në shënjestër Lulzim Bashën dhe kërkojnë dorëheqjen e tij të menjëhershme: a kanë votuar me 25 Qershor për Partinë Demokratike? Para se të kërkosh kryqëzimin e Bashës, mendoj se secili duhet t’i bëjë pyetjen vetes: çfarë bëra unë për fitoren e Partisë Demokratike?
Politikanë dhe opinionistë, që iu kundërvunë PD-së gjatë gjithë fushatës elektorale, nuk mund të merrën seriozisht në mendimet, idetë, këshillat, kritikat dhe kërkesat e tyre.
Pavarësisht rezultatit të zgjedhjeve, pavarësisht se shqiptarët nuk arritën ta përceptojnë dhe vlerësojnë sa duhet, “Republika e Re” ishte projekti më i mirë politik, oferta më serioze politike për një Shqipëri moderne dhe europiane, ekonomikisht të zhvilluar dhe më të ardhme të sigurt. Të paktën ky është opinioni im!
Lazër Stani
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
