Strazimiri: Kishim më pak vezë se sa ka kriminelë në parlament

Në një intervistë në televizionin news 24 deputeti i Partisë Demoktatike Gent Strazimiri është shprehur se kuvendi është i mbushur me erma krimi.

“Nëse do të ishte parlament ky që ju thoni se quhet parlament. Kemi dalë në shifra. Z.Rama ka vënë bast nëse janë 19 apo më pak. Nuk thotë më sic thoshte në dhjetor që të nxjerrim një komision hetimor sa për ti dhënë mundësinë opozitës ti kthehet në Kuvend. Z.Rama nuk mund të jenë 19, mund të jenë 25, por 5 janë a të mjaftojnë.Bëhet fjalë për kriminelë të damkosur, 5 e deri 6 emra kanë dalë deri tani”, është shprehur Strazimiri.

Sipas Strazimirit, seanca sot nuk duhet të kishte vijuar punimet pas bllokimit që PD i bëri foltores së Kuvendit. Sipas Strazimirit, maxhoranca në atë kaos votoi një ligj që nesër do të hidhet në Fletore Zyrtare.

“Ajo që ndodhi sot në atë që quhet Kuvend, nuk mund të quhet as seancë. A kuptuat gjë ju se cfarë u votua sot aty në atë parlament, të mendosh që ajo do të hidhet në atë fletore zyrtare dhe më pas do futet në zbatim”.

Gjithashtu Strazimiri pranoi se ishte një ndër deputetët që goditi me vezë ditën e sotme në seancën plenare. “Po, nuk e kisha ndërmend por qëllova. Kishim më pak vezë se sa kriminelë ka në parlament”, ka thënë deputeti i PD Strazimiri.

Për sa i përket deklaratës së Blushit ditën e sotme Strazimiri shprehet se: “Personalisht jam i hapur për të njëjtën shqetësim që thotë zoti Blushi. Nëse ka ndonjë mënyrë tjetër për ta bërë më mirë, le ta thotë. Grupi i PD është i impenjuar. Situatë më të rëndë vendi nuk ka parë. Është një ‘97 pa plumba. Po shkojmë në zgrip. Është një çështje qytetare. Nuk e kemi luksin si shoqëri të ndahemi. Është një problem që duhet të na bashkojë të gjithëve, e duan apo nuk e duan Sali Berishën, e duan apo nuk e duan Enver Hoxhën” ka thënë Gent Strazimiri.

/DRONI.al/