Një sasi eksplozivi është vendosur në automjetin privat të ish-kryetarit të komunës Baz, në Mat. Lënda eksplozive është vendosur në krahun e djathtë të shoferit dhe ka shpërthyer vetëm ndezësi, por jo lënda eksplozive.
Mësohet se ka qenë vetë ish-kreu i komunës që konstatoi lëndën plasëse para se të hipte në makinën e tij, që e kishte të parkuar përpara pallatit.
Menjëherë ai lajmëroi policinë për rastin dhe në vendin e ngjarjes mbërritën forcat xheniere, që bënë të mundur çaktivizimin e lëndës plasëse.
Policia ka nisur hetimet për zbardhjen e ngjarjes. Kjo është hera e dytë që ish-kryetarit të komunës Baz në Mat i vendoset eksploziv.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
