Vazhdojnë hetimet për sulmet në Paris, identifikohen dy kamikazë të tjerë

Sulmet e së premtes në Paris ishin planifikuar dhe organizuar nga Siria, ka deklaruar të hënën kryeministri francez Manuel Valls.

Burime policore deklaruan për agjencitë evropiane të lajmeve se, policia ka bastisur një seri godinash në lagjen periferike të Parisit, Bobinji, si dhe në qytetet Grenobël, Tuluz dhe Lion.
Të dhënat paraprake flasin për arsenale të mëdha armësh të gjetura dhe persona të shumtë të arrestuar. Ndërkohë, hetuesit kanë identifikuar dy atentatorë të tjerë, Ahmad al Mohammad dhe Samy Amimour.

Al Mohammad është emri në pasaportën siriane të gjetur në trupin e një prej atentatorëve, edhe pse identiteti i tij ende nuk është verifikuar.
Ndërsa Amimour thuhet se është duke u përballur me akuza për terrorizëm në Francë. Atentatorët e tjerë janë nga gjithë Europa.

Salah Abdeslam, 26 vjeç – u arrestua nga policia

Mohammed Abdeslam– i arrestuar në Belgjikë

Brahim Abdeslam, 31 vjeç – i identifikuar si atentatori që vdiq në Bataclan

Omar Ismail Mostefai, 29 vjeç, nga rrethinat e Parisit – vdiq në sulmin në Bataclan

Bilal Hadfi, 20 vjeç – i identifikuar si atentatori që vdiq në Stadiumin e Francës

Ahmad al-Mohammad, 25 vjeç, nga Idlibi, Siri – vdqi në Stadiumin e Francës

Samy Amimour, 28 vjeç, nga rrethinat e Parisit – atentator vetëvrasës në Bataclan

Dy atentatorë të tjerë vdiqën gjatë sulmit në qytet.

/DRONI.al/