VIDEO & EMRAT/ Itali, “Odisea” prangos 15 trafikantë prej të cilëve 9 shqiptarë, me 3500 kg drogë me vlerë 70 milionë euro, vinte nga Shqipëria

Operacioni “Odisea” i policisë financiare italiane të qytetit të Katanias ka çuar sot në arrestimin e 15 personave; 9 shqiptarë e 6 italianë me akuzën e trafikimit të drogës mes Shqipërisë e Italisë.
Operacioni “Odisea” çoi në sekuestrimin e 3500 kg drogë me vlerën e 70 milionë euro.
“Sipas Policisë financiare italiane ky sekuestrim dëshmon se si trafikimi i marijuanës është sot një nga burimet kryesore të financimit të organizatave lokale mafioze të pranishme në rajonin e Sicilisë.”
Operacioni “Odisea” është vazhdim i hetimeve të nisura pas përfundimit me sukses të operacioni “Reset” më vitin 2013 i cili çoi në arrestimin e 23 personave me akuzën e grabitjeve, mashtrimit, drogës e mbajtjes së armëve pa leje.
Hetimet e policisë së Katanias vërtetuan ekzistencën e dy organizatave kriminale njëra me bazë në rajonin e Lacios e tjera me qendër në provincat e Katanias e Raguzës në rajonin e Sicilisë. Këto organizata ishin përbërë kryesisht nga shqiptarë rezidentë në Itali që falë kontakteve me miqtë e tyre në Shqipëri realizonin furnizimin me marijuanë në sasi të mëdha.
Hetimet e policisë dëshmuan se si sasia e madhe e marijuanës e importuar nga Shqipëria furnizonte dy organizata kriminale kataneze; “Gruppo della Stazione” e Grupi “Di Mauro”, i familjes mafioze Pillera, drejtuar nga bosi Paolo Di Mauro, i cili ndërroi jetë më 2014.

Personat e arrestuar janë

Shqiptarët
Oresti Mufali 33 vjeç
Albert Shqau 31 vjeç
Erion Mucaj 34 vjeç
Ermir Baja 46 vjeç
Jodian Shametaj 25 vjeç
Emiliano Shametaj 28 vjeç
Gentian Hoxaj 35 vjeç
Fatjon Hoxaj 28 vjeç
Erson Zhuka, 31 vjeç

Italianët
Giancarlo Galatello 51 vjeç,
Gabriele Spagnoli 40 vjeç,
Domenico Bottino 50 vjeç.
Maria Grazia Pastura 44 vjeç (urdhër arresti shtëpiak)
Francesco Gatto 50 vjeç (urdhër arresti shtëpiak)
Salvatore Franco, 36 vjeç (urdhër arresti shtëpiak).

/DRONI.al/