Kastriot Piroli, kandidati i burgosur i Lezhës: Po pres mandatin, të bëhem deputet

Anëtari i listës së Lezhës, Kastriot Piroli kërkon që të marrë mandatin e deputetit nëse Armando Prenga dënohet nga gjykata me burg.

Piroli edhe pse ka qënë vetë në burg, thotë se vendimi nuk ishte i formës së prerë.

Ai është dënuar nga Gjykata e Shkallës së Parë në Kurbin, për shpërdorim detyre, dhe ka bërë edhe dy muaj burg. I kontaktuar nga shqiptarja.com, ai thotë se vërtetë ka bërë 2 muaj burg, por vendimi nuk është formës së prerë sepse ai e ka ankimuar në Apel, ndaj mandati i Prengës i takon atij.

“Unë nuk jam tani në burg. Kam bërë 2 muaj burg nga arrestimi në mars për shpërdorim detyre. Pastaj gjykata vendosi lirim të menjëhershëm pasi kisha bërë burg mjaftueshëm. Unë nuk jam dënuar me vendim të formës së prerë, pasi çështja është në apel.

Në këto kushte, bazuar në Kushtetutë, mandati është i imi, dhe unë e pretendoj atë”,­thote Piroli. Ai shprehet se për këtë çështje nuk ka diskutuar me kryetarin e PS­së, Edi Rama, e as nuk është thirrur nga KQZ­ja. “Nuk jam takuar me kryeministrin. Nuk isha në mbledhjen me strukturat e PS­-së një ditë më parë, mbase ai do të më thërrasë në një moment të dytë, kur të mos ketë ngarkesë pune. Nuk kam marrë ndonjë njoftim as nga Komisioni Qendror i Zgjedhjeve, por besoj do ta marr kur të vijë koha”,­ ben te ditur Kastriot Piroli.

Kandidati i Lezhës mund të rrëzohet ndërkaq edhe nga ligji i ri i dekriminalizimit i cili nuk lejon mandate për personat q ëkanë rekorde kriminale më drejtësinë pavarësisht se e kanë kryer dënimin por nuk ka kaluar njëfarë kohe prej kryerjes së tij.

/DRONI.al/