Fotot e 3- vjeçarit sirian i cili u gjet i mbytur buzë detit bënë xhiron e botës, por drama e familjes së Aylan nuk ka mbaruar me kaq. Babai i tij, Abdullah Kurdi ka thënë vetëm këto fjalë: “Më vdiqën dy djemtë dhe gruaja”.
Siriani humbi gruan e tij Rehan dhe dy djemtë, 3-vjeçarin Aylan dhe 5-vjeçarin Galip teksa përballeshin me luftën e vështirë për t’i shpëtuar vdekjes nga Siria. Por nga vdekja, shkuan në vdekje. Në përpjekje për t’u larguar nga Siria, ata morën udhëtimin e vdekjes me një barkë drejt Greqisë.
Anija me të cilën ata udhëtonin u mbyt gjatë natës, 30 min pasi u nisën nga Bodrumi i Turqisë.
Dy trupat e të vegjëlve u gjetën në breg, ndërsa fotoja e të voglit i cili kishte mbetur përmbys, mbi rërë e qëpërplasej nga valët e detit, tronditën mbarë opinionin botëror, një kambanë alarmi se bota po shkon në drejtimin e kundërt.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
