Një projektligj i ri për tatimin mbi të ardhurat që është shpërndarë për diskutim në grupet e interesit në kuadër të paketës fiskale 2016, parashikon që tatimi të përfshijë edhe pagat e ulëta, që pritet të tatohen me 5 për qind, të cilat ishin të përjashtuara nga ky tatim në variantin aktual.
Sipas propozimit aktual pagat vjetore, 0 – 180 000 lekë do të tatohen 5 për qind.
Aktualisht pagat vjetore 180 000 lekë tatohen 23 për qind duke përjashtuar kufirin e pataksuar 30 000 lekë.
Sipas projektligjit aktual pagat vjetore, mbi 180 000 dhe nën 1 560 000 tatohen 13 për qind dhe pagat mbi 1 560 000 tatohen 23 për qind.
Më këto ndryshime rritet tatimi mbi pagat e ulëta me 5 për qind dhe ulet me më shumë se trefish tatimi mbi pagat e larta.
Nëse ky propozim bëhet ligj, filozofia e të majtëve për të stimuluar nga trajtimi fiskal shtresat në nevojë dhe për të zhvendosur taksimin në ata që fitojnë më shumë shembet përfundimisht.
Por duke qene sipas konstatimeve të fundit të Bankës Botërore evazioni në këtë tatim është mbi 90 për qind, qeveria beson se duke rritur masën e tatimit për pagat e larta do të shtynte deklarimin e pagave reale nga sektori privat.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
