Akademiku Artan Fuga ka publikuar në “Facebook” shqetësimin e një qytetari nga Vlora.
Nën titullin, “Lajm nga Vlora: Informacione nga miqtë e nderuar të faqes”, shoqëruar me apelin “Kush ka një matrapykë për ujësjellësin???”, Profesor Fuga, poston edhe shqetësimin e qytetarit.
“Është carë tubacioni 12”, magjistral i ujit të pijshëm dhe ka 15 ditë që prej tij rrjedhin për qejf të vetë e në liri të plote ‘anarkiste’ litra të tëra në sekondë. Ndërkohe dëmet private dhe sociale po shtohen. Shkova te ujësjellësi dhe ata më thanë se ne vijmë, por nuk kemi një matrapykë. Kështu më tha ndërmarrja e ujësjellësit, ndërmarrja pra, më tha një ndërmarrje se nuk kishte një matrapykë. Besoje se kur të gjejnë matrapykën do të kenë humbur adresën e defektit”, poston Artan Fuga, shqetësimin e qytetari Ylli Lalo.
Ky postim nuk ka kaluar pa komente ironike.
Vetë Artan Fuga komenton,
“Asociacioni që më dha fjala ‘Matrapyka’, matra-pazër, pykë në diell, pika që nuk u bije, ku hanë pykë ata…?, rrofsh zoti Lalo! Ja se po e sjellim ne këtej nga Ndroqi. Thuaju se jam gati unë, Artani, tu blej një matrapyyyyyykë!”.
Ndërsa Ertila Zaloshnja, komenton,
“Po kur nuk kanë mjetet e punës, çfarë bëjnë gjithë ditën atje tundin derën? Si e justifikojnë rrogën që marrin? Kush i kontrollon?”.
Fatjon Kolndreu, një tjetër qytetar ka ironizuar me komentin,
“Ku do që vete matrapykën e mbaj me vete”.
Ndërsa qytetarja tjetër, Luljeta Xhindole komenton,
“Një ndërmarrje që s’ka mjete pune si mund të quhet ndërmarrje…, për të qeshur…, jo jo për të qarë”…
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
