Raporti statistikor i Ministrisë së Punës të Italisë jep fakte se Shqipëria zë vendin e dytë për numrin e fëmijëve emigrantë që kanë hyrë në Itali të pashoqëruar. Ky raport e rendiste Shqipërinë në vitin 2014 në vendin e gjashtë pas Egjiptit, Eritresë, Gambias dhe Somalisë, ndërsa në raportin e e këtij viti, ajo renditet e dyta pas Egjiptit.
Këtë fakt e ka dënuar edhe ish-kryeministri Berisha, i cili ka shkruar në llogarinë e tij në Fb, sipas të cilit ky fenomen po rritet me shpejtësi të madhe. Ai fajëson Ramën dhe politikat e tij të gabuara sociale që detyrojnë fëmijët të emigrojnë të pashoqëruar nga familjarët e tyre.
Sipas raportit, aktualisht janë të regjistruar 8442 emigrantë minorenë të kombësive të ndryshme, të pashoqëruar nga një i rritur, ndërsa vetëm 1198 janë nga Shqipëria.
Postimi i Berishës në Fb
Rama dhe drama e femijeve shqiptar, nje rekord tjeter i zi dhe çnjerezor i qeverise.
Shqiperia ne 6 muaj nga 31/12/2014 ne 1/7/2015 kalon nga vendi i 6-te ne vendin e dyte ne bote per eksodin e femijeve!!
Te dashur miq, nje statistik e Ministrise te Punes te Italise jep te dhena tejet te dhimbshme dhe tronditese per femijet shqiptare dhe fatin e tyre. Ky raport provon me fakte se numeri i femijeve shqiptare qe largohen nga Shqiperia per ne Itali, te pa shoqeruar nga njeri, po rritet me shpejtesi te madhe. Sipas ketij raporti, me 31 dhjetor te vitit 2014 Shqiperia renditej e gjashta per numerin e femijeve te larguar te pashoqeruar per ne Itali. Ajo vinte pas Egjiptit, Eritrese, Gambias dhe Somalise, kurse me 1 korrik te vitit 2015 rezulton se renditet e dyta pas Egjiptit per numerin e femijeve qe kane hyre ne Itali te pashoqeruar nga njeri.
Keshtu, sipas raportit, në Itali aktualisht janë të regjistruar 8442 emigrantë minorenë të kombësive të ndryshme, të pashoqëruar nga një i rritur, shifër kjo që tenton të rritet për shkak të fluksit të madh të përditshëm të mbërritjes së emigrantëve. 8014 janë minorenë të seksit mashkulll e 428 të seksit femër.
Në klasifikimin e ndarjes së emigrantëve minorenë sipas kombësive të tyre, Shqipëria renditen në vendin e dytë me 1198 minorenë të pashoqëruar me origjinë shqiptare, përgjithësisht 14.2% të numrit të përgjithshëm, pas vendit të parë që zë Egjipti me 1896. Republika e Kosovës renditet në vendin e 11 me 220 miorenë.
Deri më 31 dhjetor të 2014 minorenë shqiptarë të pashoqëruar në Itali ishin rreth 1043 duke e renidtur Shqipërinë në vendin e 5 në këtë klasifikim, pas Egjiptit, Eritreas, Gambia, e Somalia. Sot 7 muaj më vonë deri më 31 korrik 2015, Shqipëria shënon një rritje të pranisë së minorenëve të pashoqëruar në 1198, duke u renditur kështu në vendin e dytë.
Keto te dhena faktojne fytyren çnjerezore te politikave sociale te qeverise shqiptare. Edi Rama, nga i cili kemi çdo dite nga nje rekord te zi ne bote, ne nje samit te vendeve qe me politikat e keqia largojne qytateret nga vendi i tyre, do rrjeshtohej ne krah te Asadit apo i dyti fill pas tij per eksodin e te rriturve, dhe ne krah te Sislit, apo i dyti fill pas tij, per dramen dhe eksodin e femijeve shqiptare.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
