Bahri Shaqiri
Ish-kryetari i Shërbimit Informativ Shtetëror për rreth 7 vite është emëruar sot nga kryeministri Rama, zëvëndësministër i Transportit.
Ai drejtoi sherbimin sekret nga vitit 2005 deri ne vitin 2012, ndersa ka punuar ne kete sherbim qe nga viti 2002.
Bahri Shaqiri u shkarkua sapo u miratuan ndyshime në ligj në vitin 2012. Shkarkimi për të ishte i befasishëm pasi e mori vesh përgjatë udhëtimit të tij për pushime në jug të vendit, edhe pse si shef shërbimi sekret duhej ta kishte mësuar më herët se të tjerët.
Para emerimit si zevendesminister ai ishte keshilltar I Ministres se Mbrojtjes.
Shaqiri është propozuar në këtë post nga Kryetari i LSI-së, Ilir Meta.
Dekreti i Kryeministrit shkruan: .
“
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Z. Bahri Shaqiri emërohet zëvendësministër i Transportit dhe Infrastrukturës.
Ky vendim hyn në fuqi menjëherë.”
Po sot Kryeminisri ka emëruar edhe 2 zëvëndësministra të tjerë të propozuar nga LSI:
-Znj. Adela Shera Karapici e cila emërohet zëvendësministër i Zhvillimit Ekonomik, Turizmit, Tregtisë dhe Sipërmarrjes.
-Z. Roni Telegrafi emërohet zëvendësministër i Bujqësisë, Zhvillimit Rural dhe Administrimit të Ujërave.
Roni Telegrafi
Sipas një njoftimi për shtyp të LSI, me emërimin e këtyre 3 zëvëndësministrave të rinj, përmbushen vendet që duhet të ketë kjo parti në qeveri.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
