Zbulohet procesverbali i seancës së Kuvendit, të datës 28 janar 2016, deklaratat në të cilën dje u shndërruan objekt replikash e kundër-replikash midis kryeministrit Edi Rama dhe ish-kryeministri Sali Berisha.
Procesverbalin e ka publikuar Berisha, i cili, duke e cilësuar Ramën si gënjeshtar, bënë ët ditur se sipas “parimit” në objekt “Një gënjeshtër – një gjobë!”, kryeministri është vetëgjobitur dje.
Postimi i plotë i Sali Berishës në “Facebook”
“Një gënjeshtër – një gjobë!”
“Dje Edi Rama bën autogjobë!!
Te dashur miq, Edi Rama, gjate ndërhyrjeve dhe replikave në parlament përsëriti se paku gjashtë herë mashtrimin, sipas të cilit unë kisha qenë dakord me ligjin që ai miratoi në qeveri pa rekomandimet e Venecias, me të cilin ai kap dhe fut nën sqetull Byronë Kombëtare të Hetimit.
Për të vërtetuar këtë gënjeshtër, Rama zgjodhi të lexoje para shqiptareve në tekstin e fjalës time në parlament për BKH të datës 28 Janar, në të cilin ai vet nxori veten gënjeshtar pasi teksti tregon se unë i jam referuar qartësisht rekomandimeve të Komisionit të Venecias për BKH, të cilat kërkojnë që ajo të ngrihet jo në Policinë e Shtetit ku dëshiron Rama por në Prokurorinë e Shtetit.
Kështu të dashur miq, siç tregon foto e procesverbalit të Parlamentit, të fjalës time më datën 28 Janar 2016 për BKH, që fakton të kundërtën e asaj që pretendonte Rama, ky i fundit, bazuar në propozimin tim ‘një gënjeshtër – një gjobë’ mori dje një gjobë të rëndë!”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
