Një shqiptar i akuzuar për prostitucion është ekstraduar nga Anglia për në Itali. I kërkuari i njohur me nofkën “Sulltani” konsiderohet si një nga liderët e shfrytëzimit të rrugëve në veri të Italisë.
Nin Lalaj, 37 vjeç, u kap si pjesë e operacionit “Alba Nostra 2”, në mars 2015. Gjatë dy operacioneve, “Alba Nostra 1” dhe “Alba Nostra 2” janë arrestuar 17 persona të cilët prostituonin rreth 200 vajza, shkruan Panorama.
Në vitin 2013, Lalaj u identifikua si një nga personat ku duhet të merrje leje për të nxjerr prostituta në provincën e Pavias. Ai u dënua me 3 vite e 6 muaj burg ndërsa ndodhej me arrest shtëpie. Por, policia më pas nuk kishte asnjë dijeni për vendndodhjen e tij.
Në korrik të vitit të kaluar në bashkëpunim me policinë britanike dhe Interpolin, u zbulua se 37-vjeçari fshihej në Wellingborough, një vend i vogël në veri të Londrës me emër të rremë. Ai u arrestua me urdhër ndërkombëtar arresti. Lalaj iu dorëzua autoriteteve italiane në aeroportin e Milanos dhe tashmë ndaj tij do të nisin hetime të mëtejshme.
“Sulltani” gjithashtu akuzohet se mund të jetë përfshirë dhe në disa vrasje për larje hesapesh. Ninaj shfrytëzonte vajza në çdo zonë dhe me to kishte marrëdhënie romantike. Shqiptari përshkruhet si njeri i dhunshëm dhe i pakontrollueshëm për seks, pasi edhe kur u arrestua në Monterotondo, u kap në harem.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
