Një ngjarje sa tragjike aq edhe komike ka ndodhur mbrëmjen e sotme te vendi i quajtur “Ura e Elbasanit” (kryqëzimi i Lanës me rrugën e Elbasanit).
“Prej më se 30 minuta e shtrirë në tokë, një vajzë gati po jepte shpirt. E më se 30 minuta nuk erdhi autoambulanca, edhe pse e kishte lajmëruar dikush, madje edhe unë 112-ën…”, rrëfen kolegu ynë Granit Sokolaj.
Në një situatë të rëndë, ndodh edhe komikja.
“Dy policë të një patrulle nuk dinin as t’jua shpjegonin vendin se ku ndodhej vajza, kolegëve të tyre, por edhe urgjencës mjekësore. E megjithatë njëri prej tyre nuk hezitoi kur ndërsa komunikonte me sallën operative të “konstatonte se, ‘Ore është njëra e shtrirë, më duket si e pirë, edhe si e droguar… Po thonë dhe që ka bërë edhe operacion në zemër’, renditi tre diagnoza njëra pas tjetrës polici edhe pse vajza që i kishte rënë të fikët ishte e vetme e s’pati kush rrëfente gjë për të…”, vijon rrëfimin Granit Sokolaj, i cili na dërgoi edhe këto dy foto.
E pas 30 minutash më në fund autoambulanca mbërriti…
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
