Del pas më shumë se një orë në SPAK, deputeti Plarent Nreca. “Jam për një hetim, por nuk flas dot, çështja është nën hetim”, tha ai.
Deputeti i Kuvendit të Shqipërisë, Plarent Nreca, ka dalë pas më shumë se një orë qëndrimi në ambientet e Prokurorisë së Posaçme Kundër Korrupsionit dhe Krimit të Organizuar (SPAK).
Para mediave, Nreca deklaroi shkurtimisht se ka dhënë deklarime “në cilësinë e personit që ka dijeni për rrethanat e çështjes”, duke mos dhënë detaje të tjera për shkak se “çështja është ende nën hetim”.
“Jam për një hetim. Në cilësinë e personit që ka dijeni për rrethanat e çështjes. Për të cilën nuk flas dot, sepse është nën hetim ende”, u shpreh ai para gazetarëve, pa komentuar më tej për natyrën e thirrjes nga SPAK.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
