Kanë dalë pamjet e shpërthimit me tritol në derën e gjykatësit Tonin Stërkaj në Shkodër. Nga pamjet e siguruara nga droni.al shihet njënperdon që kalon afër shtëpisë së gjykatësit dhe më pas largohet me vrap.
Pak sekonda më vonë shihet shpërrhimi i fortë që shkakton edhe alarmin e makinave të parkuara afër.
Shtëpia e një gjyqtari në Shkodër u sulmua natën e të shtunës me eksploziv.
“Rreth orës 03:13, në lagjen “Tom Kola”, Shkodër, tek porta e oborrit të banesës së shtetasit Tonin Stërkaj, 62 vjeç, (me detyrë Gjyqtar në Gjykatën e Shkallës së Parë të Juridiksionit të Përgjithshëm Shkodër) është hedhur lëndë plasëse. Si pasojë janë shkaktuar vetëm dëme materiale”, njoftoi policia e Shkodrës.
Sterkaj ka qenë brenda banesës kur ka ndodhur shpërthimi së bashku me familjen e tij.
Pasi ka dëgjuar zhurmën ka dalë në ballkon, por pa e ditur se tritoli ishte vendosur në derën e tij. Një komshi e ka njoftuar dhe më pas ka vërejtur se ngjarja lidhet me të, shpjeguan mediat lokale të Shkodrës për ngjarjen.
Gjyqtari Sterkaj ka dhënë një dëshmi në policinë e Shkodrës duke thënë se dyshon se kjo ngjarje lidhet me detyrën e tij si gjyqtarë në gjykatën e Shkodrës por pa e patur të qartë se për cilin rast mund të bëhet fjalë konkretisht.
Shërbimet e Policisë kanë vijuar kontrollin në zonë.
Ndërkohë grupi hetimor po vijon veprimet në vendngjarje për sigurimin e provave me qëllim identifikimin dhe kapjen e autorit/ve.a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
