Edhe një prej sondazheve qe raportonte shifra ekstreme për Ramën dhe PS duket se është mposhtur nga përgjigjet e të anketuarve.
Sondazhi i dytë i kompanisë MRB për qarkun e Tiranës tregoi se popullariteti i kryetarit të Partisë Socialiste Edi Rama ka rënë krahasuar me sondazhin e parë, teksa tashmë për këtë qark opinion më pozitiv qytetarët ndajnë për kryetarin e Partisë Demokratike Lulzim Basha.
Në sondazhin e kryer për Euronews Albania qytetarët e qarkut të Tiranës vlerësuan me opinion pozitiv:
- Lulzim Bashën 44.8%
- Edi Ramën 44.4%
- Monika Kryemadhin 20.8%
Krahasuar me sondazhin e parë të kryer për kryeqytetin – në periudhën 25 janar-12 shkurt – rezulton që Rama të ketë humbur muajin e fundit 3 pikë përqindje – nga 47.4% – ndërsa Basha të ketë fituar 5.2 pikë përqindje – nga 39.6%, rapprton euronews.
Rritje të lehtë të popullaritetit ka gëzuar edhe kryetarja e Lëvizjes Socialiste për Integrim Monika Kryemadhi nga 19.4% në 20.8%.
Duke komentuar rezultatet e sondazhit, kandidati për deputet i PD-së, Agron Shehaj, theksoi se prirja në rënie e PS-së do të vijojë deri në ditën e zgjedhjeve dhe se diferenca aktuale në fakt është e përmbysur. Ai pretendoi se opozita do të marrë më shumë mandate se PS. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
