Sulmuesi francez, Kylian Mbappe, ka treguar se në gjysmëfinalen dhe finalen e Kupës së Botës ka luajtur me një dëmtim në shpinë.
19-vjeçari ka bërë të ditur se kishte dëmtuar tri unaza vertebrale vetëm tri ditë para ndeshjes kundër Belgjikës. Megjithatë, ai luajti si titullar në dy ndeshjet e fundit.
“Ishte thelbësore ta mbanin të fshehtë nga kundërshtarët tonë, pasi ata do ta shfrytëzonin këtë dhe të më godisnin në pjesët e ndjeshme. Kjo është arsyeja se pse stafi dhe lojtarët e mbajtëm të fshehur, edhe për finalen”, ka thënë sulmuesi i PSG-së.
Mbappe ishte një lojtarët më të mirë të turneut dhe në fund mori çmimin për lojtarin e ri më të mirë të Botërorit.
Ai theu rekordin për lojtarin më të ri që ka shënuar dy gola në një ndeshje të Kupës së Botës dhe u bë adoleshenti i parë që nga Pele që ka shënuar gol në finale.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
