“Lubia bis ka zhvilluar 250 tendera sekretë vetëm e vetëm që të fitojë familja e kryeministrit”

Sali Berisha sot në konferencë për shtyp

Lubia bis ka zhvilluar 250 tendera sekretë vetëm e vetëm që të fitojë familja e kryeministrit, deklaroi sot kreu i PD, Sali Berisha duke patur parasysh drejtoreshën e AKSHI, Mirlinda Karçanaj.

“Si përfundim kemi të bëjmë me një kryehajdut si Edi Rama të rrethuar nga një bandë hajdutësh si Lubi Balluku, Mirlinda Karçanaj, Ergys Agasi, etj.
Por dosja në rast se nuk vihet përpara përgjegjësisë Ergys Agasi, Ermal Beqiri, Armand Frangu, Linda Rama, mbetet një dosje kallp.
Më thonë se aty janë lëshuar shumë fletë arresti për punonjësit.
Të gjithë të arrestohen ata që kanë firmosur në kundërshtim me ligjin.
Por në historinë e shtetit shqiptar nuk ka pasur një njeri si kjo që shihni që zhvillojë 250 tendera sekretë vetëm e vetëm që të fitojë familja e kryeministrit”, tha Berisha.

Kreu i PD tha se Rama nuk do lejojë kurrë hetimin e të shoqes, duhet të jenë shqiptarët që t’i hapin rrugë atij hetimi duke larguar Ramën

“Edi Rama nuk do të lejojë kurrë, sa të jetë në atë vend, hetimin e të shoqes.
Duhet të jenë shqiptarët që t’i çelin rrugë atij hetimi, duke larguar Edi Ramën.
Sepse ato para, ato dhjetëra qindra milionë euro të prokurimeve sekrete, po të lexoni ju, vetëm për tenderin e mirëmbajtjes së programit të Thesarit të Shtetit, janë shpenzuar dhjetëra milionë, dhe që të gjithë tenderat fitoheshin nga Armand Frangu në limitin maksimal.
Arben Ahmetaj ka deklaruar se ky hajdut ka praktikuar çmime të dhjetëfishta për produktet e importuara, kompjuterë apo të dhëna të tjera.

Para se të ndodhë, të jesh e sigurt, që zonja Rama do të shkojë me pushime të gjata diku.
Sikur të ndodhë kjo, pse si kujton ti, se po pret vendimin e Skapit”, tha Berisha.

Berisha tha se Ergys Agasi dhe Ermal Beqiri ndodhen në Dubai! Pse nuk thuhet asnjë fjalë e vetme për Daniel Shimën?, shtoi ai.

“Sepse absolutisht unë që jam këtu, e kam marrë vesh se Ergys Agasi të paktën prej tre javësh është në arrati.
E kam marrë vesh prej po kaq kohësh që Ermal Beqiri është në Dubai me Ergysin.
Këto kanë qenë publike.
Kam mësuar se Gerondi ishte, në mos gaboj, në Gjermani, dhe ka rrëfyer gjithçka ka ndodhur në atë agjenci.
Çfarë të them unë?
Ke dëgjuar ti ndonjë fjalë të vetme të thuhet për Daniel Shimën?
Njeriu që u rrëmbye, njeriu që u masakrua, dhe fill pas kësaj, drejtori i përgjithshëm i policisë, Proda, sjell Suelin në Tiranë tek dentisti që donte Sueli.
Sueli që i kishte thyer kockat Danielit.
Është e vërtetë kjo, është denoncuar”, tha Berisha. a.b

/DRONI.al/