“Rama shumëzoi me zero SKAP dhe BKH nëpërmjet Irenave dhe Irenëve të Gjykatës Kushtetuese”

Kreu i PD, Sali Berisha tha sot para SPAK  se një ditë pas zgjedhjes së drejtuesit të SPAK, Rama shumëzoi me zero SKAP dhe BKH nëpërmjet Irenave dhe Irenëve të Gjykatës Kushtetuese.

”Ajo prezencë e paprecedentë diplomatike dëshmonte në radhë të parë se duhet të kishin të dhëna, se krejtësisht për shou, nuk ma merr mendja që të jenë kaq të interesuar, por duhet të kishin të dhëna në rrugë të ndryshme se Edi Rama kishte bërë presion të jashtëzakonshëm mbi KLP-në.

Por problemi nuk është ajo sallë, problemi është Edi Rama, problemi është ai njeri që këta menduan se shpëtuan një gjë, por Gjykata Kushtetuese i mori të gjitha.
Bllokoi çdo gjë.
Është një sistem, më i shëmtuari që mund të jetë.
Mos harroni edhe njëherë, se ju jeni këtu dhe duhet ta përsërisni sepse propaganda është një mjet toksik për shqiptarët.
Në vitin 2021, Ilir Meta, zëvendëskryeministër, nuk kishte SKAP, kishim sistemin konvencional, nuk priti kërkesën e prokurorisë për heqjen e imunitetit, por dha dorëheqjen si zëvendëskryeministër, hoqi dorë nga imuniteti dhe iu përgjigj menjëherë thirrjes së prokurorisë.
Ja cila ishte drejtoria para Sorosit.
Se këta thonë nuk ka ndodhur kurrë.
Ka ndodhur. Janë arrestuar edhe kryeministra në këtë vend.
Dhe janë arrestuar 30 vite më parë.
Kanë dhënë dorëheqjen zëvendëskryeministra dhe kanë shkuara para prokurorit dhe gjykatësit.
Kanë dhënë dorëheqjen ministrat sa herë është kërkuar.
Ato ishin standardet etike dhe morale të një qeverie që besonte në shtetin ligjor.
Dhe këto janë standardet e Edi Ramës, që për të zgjedhur kreun e Skapit të partisë, duhej të shkonte i gjithë trupi diplomatik në sallë në mënyrë demonstrative, sepse ai kishte bërë ndërhyrjet më monstruoze.
E megjithatë, një ditë më mbrapa ai shumëzon me zero SKAP dhe BKH nëpërmjet Irenave dhe Irenëve të Gjykatës Kushtetuese”, deklaroi Berisha. a.b

/DRONI.al/