Foto ilustruese
Ka përfunduar procesi i vettingut dhe kontrollit të pastërtisë së figurës për kandidatët që garojnë për drejtimin e Byrosë Kombëtare të Hetimit (BKH). Rezultatet i janë dorëzuar komisionit vlerësues të përbërë nga kreu i SPAK, Altin Dumani, si dhe prokurorët Arben Kraja dhe Behar Dibra.
Në garë për postin e Drejtorit të BKH-së janë shtatë kandidatë:
Andi Pogaçe, Artur Beu, Elton Kërluku, Gentian Ndoi, Gentjan Shehaj, Gledis Nano dhe Joni Keta.
Komisioni për përzgjedhjen e drejtuesit të BKH-së do të shqyrtojë tashmë rezultatet përfundimtare të Komisionit të Posaçëm të Verifikimit dhe më pas do të hartojë renditjen finale të kandidatëve.
Në përfundim të procesit, treshja e prokurorëve do t’i propozojë Këshillit të Lartë të Prokurorisë (KLP) një emër të vetëm për miratim. r.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
