SPAK do të hetojë KAS pas padisë së Aulon Kalasë, rinumërim gjithë kutitë e Durrësit

Aulon Kalaja

Gjykata e Posaçme urdhëron SPAK të hapë hetim penal për procesin e numërimit në Durrës pas kallëzimit të Aulon Kalasë.

Më herët, ky kallzim u rrëzua nga SPAK, por gjykata shprehet se KAS nga 493 kuti të qarkut Durrës si fillim vendosi të rinumërojë 290 kuti. Me pas këto kuti reduktohen në 154 dhe në fund në 152.

Gjykata vlerëson se ka patur shkelje minimalisht në tre drejtime:
1- U rinumëruan 152 kuti, nga të cilat u konstatua material zgjedhor i falsifikuar. KAS do duhej të kishte rinumeruar edhe 341 kutitë e mbetura.
2- U rinumëruan 152 kuti në të cilat u evidentua material zgjedhor i falsifikuar. Gjithashtu kallëzuesi në seancë paraqiti prova edhe për 8 kuti të tjera e megjithatë KAS miratoi një tabelë përmbledhëse duke ditur se rezultati zgjedhor ka qenë i falsifikuar
3- U rinumëruan vetëm 152 kuti në të cilat u evidentua material zgjedhor i falsifikuar dhe KAS nuk referoi veprën penale në prokurori sikurse ka detyrimin ligjor dhe Kushtetues.

Sipas Gjykatës, në Qarkun e Durrësit janë cënuar të drejtat e shtetit për zgjedhje të lira e të ndershme. Janë cënuar të drejtat e kandidatëve qe i’u janë pakësuar votat. Janë cënuar të drejtat e zgjedhësve dhe së fundmi, janë krijuar përfitime të padrejta për kandidatët që i janë shtuar votat.

Konkretisht Gjykata arsyeton se:
1- SPAK nuk ka shqyrtuar dhe vlerësuar në themel parashtrimet e mija duke dalë në konkluzionin e pabazuar në prova dhe ligj se kallëzimi nuk qëndron.
2- Nuk ka argumente ligjore se përse KAS edhe pse konstatoi falsifikim të materialeve zgjedhore në 152 kuti, në vend që të hapte 341 kuti të mbetura, vendosi të miratojë tabelat përmbledhëse duke qenë të 5 anëtarët të ndërgjegjshëm se ekzistonte dyshim i arsyeshëm se në 341 kutitë e pahapura kishte material zgjedhor të falsifikuar.
Dua t’ju sjell në vëmëndje se unë dorëzova edhe 8 kuti të tjera me falsifikim, por 5 anëtarët e KAS me ndërgjegje miratuan tabelat me rezultat të falsifikuar zgjedhor.
3- Gjykata vlerëson se të gjitha këto konstatime do duhet të kishin detyruar KAS, ose në bazë të kërkimit nga Aulon Kalaja ose kryesisht të verifikonte rreth falsifikimit të rezultatit zgjedhor.
4- Evidentimi i veprave penale gjatë ushtrimit të detyrës është detyrim ligjor proçedural i zyrtarit publik. Gjithashtu moskallëzimi i krimit është vepër penale.
5- Në rastin konkret 5 anëtarët e KAS me anë të rinumërimit të 152 kutive kanë marë dijeni zyrtarisht se ka materiale zgjedhore të falsifikuara dhe për Prokurorinë e Posaçme dilte detyrë kushtetuese të verifikonte nëse ka patur kallzim nga 5 anëtarët e KAS. Nuk rezulton asnjë verifikim i tillë dhe kjo mënyrë ushtrimi i ndjekjes penale nuk pajtohet me kushtetutën apo kodin e proçedurës penale.

7- Kas edhe pse vendoset në dijeni se ka falsifikim jo vetëm që nuk heton rreth të gjitha kutive, por legalizon vendimarrjen e miratimit të tabelave që mund të kenë qenë të falsifikuara.
8- Nuk ka asnjë hetim për të zbuluar krimin zgjedhor dhe pa u berë kjo, nuk zbulohen pasojat e dëmtimit të interesave legjitime të shtetit për zgjedhje të lira e të ndershme. Cilat kanë qenë pasojat e dëmtimit të kandidatëve konkurentë nga ulja e falsifikuar e votave që kanë marë? Cilat kanë qenë pasojat e cënimit të së drejtës së votuesve në këtë qark? Cilat kanë qenë përfitimet e padrejta e kandidatëve që rezultojnë me më shumë vota nga ç’kanë në të vërtetë.
9- Prokuroria duhet të kishte pyetur secilin nga personat e kallëzuar. a.b

/DRONI.al/