Tyneli i Llogarasë, zhduket ura. Çfarë prestigjatori Rama

Belind Këlliçi: Tuneli i Llogarasë, ndërtim pa leje dhe aferë 75 milionë euro – Rama dhe Balluku “prestigjatorë” të parave publike

Deputeti i Partisë Demokratike, Belind Këlliçi, ka dalë me një deklaratë të fortë për mediat, duke akuzuar kryeministrin Edi Rama dhe zëvendëskryeministren Belinda Balluku për një tjetër aferë korruptive, këtë herë të lidhur me projektin e Tunelit të Llogarasë.

Sipas Këlliçit, ndërtimi i tunelit — një investim prej 190 milionë eurosh — është kryer pa leje ndërtimi dhe në shkelje të plotë të ligjit.

“Në Republikën e Shqipërisë, ndërtuesi më i madh serial pa leje është vetë shteti, është Edi Rama, dora vetë”, – u shpreh Këlliçi.

Deputeti demokrat tha se leja e ndërtimit për këtë projekt është zbardhur vetëm më 28 maj 2025, shumë kohë pasi punimet kishin nisur, çka sipas tij, e bën gjithë projektin një ndërtim të paligjshëm.

Në vijim, Këlliçi akuzoi qeverinë për zhdukje fondesh publike, duke pretenduar se nga projekti dhe preventivat rezulton që në hyrje dhe dalje të tunelit duhej të ishin ndërtuar dy ura panoramike, të cilat në realitet nuk ekzistojnë.

“Vetëm për ndërtimin e këtyre dy urave janë parashikuar 25 milionë euro. Pra, janë zhdukur edhe paratë, edhe urat”, – theksoi Këlliçi. “Prestigjatori, piktori dështak që kemi në krye të qeverisë, zhduku jo vetëm dhjetëra miliona euro, por edhe veprat e artit që ishin në projekt.”

Sipas Këlliçit, procedurat tenderuese janë manipuluar për të favorizuar ofertën 50 milionë euro më të lartë, ndërsa më pas janë zhdukur edhe 25 milionë euro të tjera për punime që nuk janë kryer.

“Në këtë aferë, PD ka faktuar deri tani se janë zhdukur të paktën 75 milionë euro,” – deklaroi ai.

Deputeti njoftoi se Partia Demokratike do t’i dërgojë të gjitha dokumentet dhe provat zyrtarisht SPAK-ut, duke e konsideruar çështjen si një rast të pastër korrupsioni qeveritar. r.k

/DRONI.al/