Rikthehet e maili i Erion Veliajt. Rama vrapon të shpikë sherr mes opozitës dhe BE

Kryeministri Rama ka vrapuar këtë mbrëmje të shpikë një sherr mes opozitës dhe zyrtarëve të BE, ndërkohë që nuk ekziston një sherr i tillë.

Në ndihmë, me siguri e painformuar, i ka ardhur edhe Marta Kos.

Të dy reaguan kundër fjalës së kreut të PD, Berisha në lidhje me deformimet e koncepteve të familjes në disa paragrafe të ligjit për diskriminimin.

“Kërkojmë ndjesë për mënyrën fyese me të cilën një ligj shumë fisnik, plotësisht i përafruar me parimet e BE-së për barazinë gjinore dhe mosdiskriminimin, është keqpërdorur për të shtrembëruar perceptimin publik, si dhe për mënyrën se si Ambasadori i BE-së është përdorur për një qëllim kaq të ulët.

Megjithatë, siç themi në shqip, “qentë le të lehin, karvani ecën përpara.’’, shkruan Rama.

Ndërsa Marta Kos ka vijuar me mbrojtjen e panevojshme të ambasadorit të BE në Tiranë, Gonzato.

“Barazia gjinore dhe mosdiskriminimi janë pjesë përbërëse e ligjit të Bashkimit Europian.
Përafrimi me to është pjesë e procesit të anëtarësimit në BE.
Kjo nuk është një kërkesë personale e Ambasadorit të @EUinAlbania.
Çdo sulm ndaj tij është i papranueshëm”, shkruan Marta Kos, njësoj si një kolege e saj shumë vite më parë teksa reagoi për ‘dhunën e qeverisë ndaj gruas së Elvis Roshit që çoi në dështim lindje’ pas një emaili emergjent të nisur nga Tirana prej Erion Veliajt.

Gallatë e madhe është Tirana zyrtare. Rama gjen kohë të sajojë konflikt ndërkohë që nuk pati kohë të thoshte dy fjalë në konferencë shtypi për ‘tynelin e Palloshit’ dhe presionin e kur*ës.  Nëse konflikti për projektligjin edhe nëse është i tillë nuk ka kosto për qytetarët, kjo historia me tynel i ka kushtuar vendit afro 50 milionë euro.

Po çfarë deklaroi sot në Kuvend Berisha:“Ekspertë të shquar, kanë pohuar se nga 10 direktiva të BE në asnjërën prej tyre nuk flitet për përkatësi të shumëfishtë gjinore, për gjini me diversitet të gjerë. Një gazetar më tha se ambasadori Gonzato ka kërkuar votimin e ligjit, i kërkoi të nderuarit ambasador të nxjerrë cilat direktiva të BE e kërkon një gjë të tillë.

Cila direktivë t’u thotë shqiptarëve se direktivat aty, sepse ky ligj nuk ekziston në 21 vende anëtare të BE sepse ky ligj është hedhur poshtë nga Gjykata Kushtetuese franceze në vitin 2016, se u mohon prindërve të drejtën e edukimit.

Ky ligj de fakto në shoqërinë post marksiste, godet familjen. Çfarë ka bërë ky grup sororianësh që ka pushtuar shtetin shqiptar. Edhe ajo që erdhi e rritur e pasuruar pasurisht me fondet e Soros dhe tani këtë ligj kërkojnë ta votojnë në 2 të natës. E Kanë vendosur në pikën 17 të rendit të ditës. Këtë ligj i cili defakto përmbys kodin e familjes”. r.p

/DRONI.al/