Vendimi i gjykatës detyron spitalin e Lushnjës të paguajë 42 milionë lekë për mjekim të gabuar

Për herë të parë gjyjatat shqiptare detyrojnë një spital të paguajë për viktimën për shkak të mjekimot të gabuar.

Kështu spitali i Lushnjës është dënuar të paguajë 42 milionë lekë pasi një fëmijë humbi jetën nga mjekimi i gabuar i një mjeku në këtë spital, shkruan gazetari Arsen Rusta.

Historia nisi më 30 mars 2016 ku familja Sinani dërgoi për kurim nëmspitalin e Lushnjës djalin e mitur pasi u rrëzua nga shkallët.

Nga hetimi gjyqësor rezulton se i mituri A.S, është dërguar për ndihmën mjekësore nga gjyshi i tij Ymer Sinani. Rastin e ka ndjekur mjeku Sami Osmani i dënuar tashme për mjekim të pakujdesshëm.

“Pasi mjeku ka pare grafinë i ka thënë që fëmija s’ka asnjë problem, thjesht dhimbje koke që do kalojë. Pas disa orësh fëmija është përkeqësuar dhe kur është dërguar në spital mjeku dhe spitali Lushnjes e kane refuzuar ta mbajnë duke e nisur për në Tiranë.

Në të njëjtën ditë në ora 22:55 të mbrëmjes së 30.3.2016 i mituri A.S., ka vdekur. Hetimi penal ka nxjerrë fajtor mjekun i cili është dëbuar.

Familja ka kërkuar dëmshpërblim në vlerën e 42 mln lekë të cilin e ka fituar. Me pretendimin se kjo shumë po t’i jepej familjes spitali Lushnjes futet në kolaps dhe ka pamundësu financiare prej situatës covid-19, kanë kërkuar në Gjykatën e Lartë të mos paguajnë faturën”, shkruan shqiptarja.com.

Vendmi detyron spitalin të paguajë vlerën pasi janë gjetur fajtor. Me refuzimin e rekursit nga Gjykata e Lartë mbetet në fuqi dënimi ndaj spitalit të Lushnjes, raporton shqiptarja.com. r.k

/DRONI.al/