Kryeministri Edi Rama ka shpjeguar se cfarë bisedoi me Presidentin amerikan Joe Biden gjatë ecjes që bënë afër njëri tjetrit ndërsa lëvizën nga vendi i fotos së përbashkët tek salla e mbledhjeve të NATO-s.
Në samitin 2-ditor të NATO-s që po zhvillohet në Madrid të Spanjës, Shqipëria përfaqësohet nga Kryeministri Edi Rama që shoqërohet edhe nga ministrja e Jashtme Olta Xhaçka dhe ministri i Mbrojtjes Niko Peleshi.
Mikpritjen ua dha Sekretari i Përgjithshëm i Aleancës, Jens Stoltenberg si dhe Kryeministri i Spanjës, Pedro Sançez.
Postimi i Ramës:
Vetë kreu i qeverisë shqiptare, Edi Rama ka zbardhur se temë e diskutimit ishte roli që ka luajtur Shqipëria në Këshillin e Sigurimit por edhe bashkëpunimi mes dy vendeve.
Dëgjova nga Presindenti Joe Biden fjalët më të mira për Shqipërinë dhe rolin e saj në Këshillin e Sigurimit e në NATO, si edhe shprehjen e dëshirës së tij për të organizuar diçka bashkarisht me rastin e 100 vjetorit të vendosjes së marrëdhënieve diplomatike të Shqipëri-SHBA
Vlerësova marrëveshjen e arritur mes Suedisë, Finlandës dhe Turqisë,duke çmuar qasjen e drejtëpërdrejtë të Presidentit Erdogan në funksion të një shqetësimi shumë serioz të shtetit turk dhe nënvizuar se kjo marrëveshje është një shembull për zgjidhjet e problemeve mes aleatësh
SOT në NATO: Kërkova që Kosova të ftohet menjëherë në mekanizmin e Partneritetit për Paqe.Vendet që nuk e njohin ende Kosovën duhet të vlerësojnë qëndrimin e saj krejt të njehsuar me BE-në ndaj agresionit rus mbi Ukrainën – pavarësisht se Ukraina nuk e ka njohur ende Kosovën.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
