EMRAT/ 8 arrestime në Vlorë, 3 vëllezër u kapën në gjykatën e Vlorës se goditën gjyqtarin

Vihen në pranga nga policiave Vlorës 8 shtetas, për vepra të ndryshme penale.

Specialistët për Hetimin e Krimit në Komisariatin e Policisë Vlorë arrestuan në flagrancë për veprën penale “Kundërshtimi dhe goditja e gjyqtarit”, kryer në bashkëpunim, shtetasit Myslim Myslimi, 60 vjeç, Fatos Myslimi, 62 vjeç dhe Elmaz. Myslimi, 64 vjeç (vëllezër), të tre banues në Vlorë, pasi në bashkëpunim me njëri tjetrin, në ambientet e brendshme të Gjykatës, kanë kundërshtuar me dhunë, shtetasin A. Basho, 63 vjeç, banues në Gjirokastër, me detyrë gjyqtar në Gjykatën e Shkallës së Parë Vlorë.

Specialistët për Hetimin e Narkotikëve dhe Trafiqeve të Paligjshme në DVP Vlorë arrestuan në flagrancë për veprën penale “Prodhimi dhe shitja e narkotikëve”, shtetasin R. M., 31 vjeç, banues në Tiranë, pasi gjatë kontrollit të ushtruar në automjetin e tij, në një çantë shpine iu gjet dhe iu sekuestrua një sasi lënde narkotike e dyshuar cannabis sativa.

Specialistët për Hetimin e Krimit në Komisariatin e Policisë Vlorë arrestuan në flagrancë shtetasin A. C., 26 vjeç, banues në fshatin Gorisht, Vlorë, pasi ka dhunuar fizikisht të dashurën e tij dhe nuk i është bindur urdhrit të punonjësve të Policisë për ndalim.

Specialistët për Hetimin e Krimeve në Komisariatin e Policisë Sarandë arrestuan në flagrancë për veprën penale “Dhuna në familje”, shtetasin E. Ç., 32 vjeç, banues në Sarandë, pasi ka ushtruar dhunë fizike ndaj bashkëshortes së tij.

Specialistët e Qarkullimit Rrugor në Drejtorinë Vendore të Policisë Vlorë arrestuan në flagrancë shtetasit:

-D. D., 36 vjeç, pasi është konstatuar nga shërbimet e Policisë, duke drejtuar automjetin pa leje drejtimi;

-A. J., 49 vjeç, pasi është konstatuar nga shërbimet, duke drejtuar automjetin në gjendje të dehur.

Materialet i kaluan Prokurorisë, për veprime të mëtejshme. a.b

/DRONI.al/