Bujar Leskaj i përgjigjet Ramës me fotomontazh, përqesh lajmin për dorëheqje

Drejtuesi politik i Vlorës Bujar Leskaj i ka dhënë përgjigje spekulimit të disa mediave të financuara nga qeveria që ndanë lajmin dy ditë më parë se ai ka dhënë dorëheqjen nga drejtimi i fushatës në lidhje me listën e kandidaturave të PD në qarkun e Vlorës.

Ai ka postuar sonte në rrjete sociale një fotomontazh të portretit të Ramës në një letër tualeti si dhe njoftimet për dy aktivitete elektorale zhvilluar gjate dizës së sotme.

Postimet e Leskaj për takimet:

Zhvillova një takim pune sot me kryesinë e Partisë Demokratike dega Selenicë, për prezantimin e kandidatit të Partisë Demokratike, z. Gëzim Ademaj.

Partia Demokratike dhe strukturat e saj janë të motivuara dhe të angazhuara maksimalisht për fitoren në 25 prill, duke zëvendësuar politikën cinike me politikën e shpresës dhe të ndryshimit.
Me votën tonë në 25 prill do të vendosim nëse do të çojmë përpara Shqipërinë në çdo drejtim apo nëse do të ngecim përsëri dhe do të rizhytemi në gropën e asaj politike dhe asaj keqqeverisjeje që përfaqëson sekti i Rilindjes.
25 prilli do të jetë dita kur ekipi fitues i Partisë Demokratike do të largojë Edi Ramën dhe fillojmë ndryshimin e vërtetë për çdo shqiptar.

….

Zhvillova një takim me drejtues dhe anëtarë të sindikatave përgjatë viteve 1990, 1997.

Roli dhe kontributi i tyre për një Shqipëri më të mirë dhe një shoqëri më të drejtë është shumë i rëndësishëm përgjatë viteve të vështira që ka kaluar Vlora dhe vendi ynë, pavarësisht zbehjes së rolit të tyre vitet e fundit.

Bashkëbiseduam për programin e Partisë Demokratike, si edhe për rëndësinë që kanë sindikatat, pavarësia dhe roli i tyre në shoqëri!

Shqipëria ka nevojë për sindikatat dhe sindikalistët. Hallet, dhimbjet dhe nevojat e njerëzve të thjeshtë kanë nevojë për sindikatat dhe sindikalizmin. Sindikalizmin e ka lindur Liria dhe Liria ka nevojë për të gjithë! m.k

/DRONI.al/