Dy persona kanë marrë plagë të shumta të goditur me thikë dhe shkop bejsbolli. Dy djemtë në moshë të re, janë plagosur mbrëmjen e së enjtes, në zonën e Kamzës, në periferi të kryeqytetit.
Ngjarja ka ndodhur te tregu, ku janë sulmuar dhe goditur me shkop bejsbolli dhe me thikë në kofshë, 23-vjeçari A. V., dhe 28-vjeçari F. V.
Dy të rinjtë ndodhen në spital, ku pas ndihmës së marrë nga bluzat e bardha janë jashtë rrezikut për jetën.
Ndërkohë nga ana e uniformave blu janë shpallur në kërkim dhe po punohet për kapjen e 24-vjeçarit J. S., dhe 20-vjeçarit K. S..
Hetimet vazhdojnë, ndërkohë që materialet iu referuan Prokurorisë së Tiranës për ndjekje të mëtejshme.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
